«Білекті бірді жығады, Білімді мыңды жығады» тақырыбында «Біртұтас тәрбие» бағдарламасын жүзеге асыру мақсатында қалалық пікірсайыс турнирі өткізілді.

2024 жылдың 11 қазан күні ОҚМА АҚ жанындағы медицина колледжінің ұйымдастыруымен «Білекті бірді жығады, Білімді мыңды жығады» тақырыбында «Біртұтас тәрбие» бағдарламасын жүзеге асыру мақсатында қалалық пікірсайыс турнирі өткізілді. Аталған іс-шараға Шымкент қаласының Қазақстан медициналық колледжі, Азимед медициналық колледжі, Шымкент қаласы білім басқармасының «Политехникалық колледжі», Шымкент медициналық колледжі, Авиценна атындағы жоғары медицина колледжі, Жеңіл өнеркәсіп және сервис колледжі, Медицина колледжі мен Академияның Зиялы қазақ клубы қатысты. Пікірсайыстың басты мақсаты-жастардың бойында коммуникативтілікті арттыру, командада жұмыс істей білу сынды қасиеттерді қалыптастыру. Пікірсайыста әлемдік және еліміздегі болып жатқан жағдайлар барысы бойынша көзделген мәселелер қаралды. Іс шараның соңында турнир жеңімпаздары дипломдармен марапатталды.