"Алғыс – ризашылық белгісі"

1-Наурыз Алғыс айту мерекесіне орай, «Қазақстан тарихы және әлеуметтік-қоғамдық пәндер» кафедрасы мен 1 курс , В-ФӨТОАБ-05-24 және В-ФӨТҚАБ-02-24 топтары студенттерінің ұйымдастыруымен
"Алғыс – ризашылық белгісі" атты мерекелік іс-шара өткізілді.
«Алғыс айту - парызым» атты мерекелік іс-шарасының мақсаты - қоғамда алғыс айту мәдениетін қалыптастыру, адамдар арасындағы қарым-қатынасты нығайту, бір-біріне құрмет көрсетіп, сүйіспеншілік білдіру арқылы өзара түсіністік пен қолдау көрсету. Бұл шара әр адамның, оның ішінде жастардың, қарттардың, әлеуметтік жағдайы төмен адамдардың құрметі мен еңбегіне алғыс айтып, адамгершілік құндылықтарды нығайтуға бағытталған. Сондай-ақ, еліміздегі түрлі этностар мен мәдениеттер арасында достық пен бірлікті қалыптастыруға да ықпал етеді.

Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.
Түрлі ұлт өкілдерінің білім алушылары Қазақстан халқына деген жүрек жарды алғысын білдірді. Іс-шараға қатысушылар халық күйлері мен әндерін орындап, ұлттық ойындарға қатысты. Мерекелік концерт білім алушылардың бір-бірімен жақын танысуына өз септігін тигізе білді. Аталмыш іс шараның ұйымдастыру жұмыстарына белсене қатысқаны үшін кафедрамыздың доценттері С.М.Сахов пен О.А. Туребаев және аға оқытушылары А.Ж.Ибраимова мен А.Ә. Мырзазияға ризашылық білдіріп, 1 курс білім алушылары Алғыс хаттармен марапатталды.