«Эмоция, стресс және өзін-өзі бақылау»
2026 жылдың 5 қарашасында Психологиялық қызмет бөлімі мен Докторантура және магистратура бөлімінің ұйымдастыруымен магистратура және докторантура білім алушыларына арналған «Эмоция, стресс және өзін-өзі бақылау» тақырыбында семинар-тренинг өткізілді.
Семинар-тренинг барысында қатысушыларға эмоцияның адам өміріндегі рөлі, стресстің пайда болу себептері және оның психологиялық әрі физикалық жағдайға әсері туралы түсінік берілді. Білім алушылар өз эмоцияларын дұрыс танып, оларды тиімді басқарудың маңыздылығымен танысты.
Интерактивті бөлімде стресстік жағдайда сабыр сақтауға, мазасыздықты төмендетуге және өзін-өзі бақылау қабілетін дамытуға арналған практикалық әдістер ұсынылды. Тыныс алу, зейінді шоғырландыру және жағымсыз ойларды жағымды бағытқа өзгерту жаттығулары тәжірибе жүзінде орындалды.
Тренингтік жаттығулар арқылы қатысушылар эмоциялық күйлерін еркін жеткізу, қиын жағдайларда дұрыс шешім қабылдау және ішкі тепе-теңдікті сақтау дағдыларын жетілдірді. Сонымен қатар Психологиялық қызмет бөлімінің жеке консультация беру мүмкіндіктері туралы ақпарат ұсынылды.
Іс-шара білім алушылардың эмоциялық сауаттылығын арттыруға, күйзелісті тиімді еңсеруіне және өзін-өзі бақылау қабілетін нығайтуға ықпал етті. Кездесу соңында қатысушылар өз әсерлерімен бөлісіп, күнделікті өмірде қолдануға болатын пайдалы психологиялық кеңестер алды.