
2026 жылдың 18 қарашасында Астана қаласында Оңтүстік Қазақстан медицина академиясының делегациясы ректор Жанна Серікжанқызының жетекшілігімен “III Жыл сайынғы халықаралық стратегиялық әріптестер форумына” қатысты.
Панельдік сессиялар барысында қатысушылар трансұлттық білім беру, халықаралық білім беру бағдарламалары, академиялық ұтқырлық, сондай-ақ жоғары білім, ғылым, инновациялар және жаһандық ғылыми-зерттеу ынтымақтастығының перспективаларын талқылады.
Маңызды оқиғалардың бірі Қазақстан Республикасы Ғылым және жоғары білім министрі Саясат Нұрбектің қатысуымен өткен ОҚМА мен Applied Science Private University (Иордания) арасындағы ынтымақтастық туралы меморандумдарға қол қою және олармен алмасу рәсімі болды.
Қол жеткізілген келісімдер бірлескен ғылыми зерттеулер жүргізуге, студенттер мен оқытушылардың академиялық ұтқырлығын арттыруға, кәсіби тәжірибе алмасуға және бірлескен білім беру бастамаларын жүзеге асыруға жаңа мүмкіндіктер ашады.

Форумға қатысу ОҚМА-ның халықаралық әріптестігін кеңейтуге және академиялық байланыстарын нығайтуға бағытталған маңызды қадам болды.